政情：港鐵範圍冇戴罩講粗口 黃兆健共罰款$9000

上月底黃兆健透過社交平台，話今年7月法庭就佢喺港鐵內向警員講粗口罰款4,000元。當時更接獲警方通知，話法院將會喺12月傳召佢上庭，加控佢喺公眾地方違反法例未有戴口罩。

當時佢就提到警方回應查詢，指該名休班警員懷疑佢違反《預防及控制疾病（佩戴口罩）條例》（第599I章），其後有表露警員身份並要求佢妥善佩戴口罩，但佢唔合作並向對方使用粗言穢語先至報案。港鐵嗰陣都回覆話會將個案交畀港鐵法律部門跟進，如決定提出檢控，就會由法庭審理。