政情：會計師公會理事選舉 民主派輸晒

逾40年歷史嘅香港會計師公會，其理事會共有21個常設席位，每名理事任期為兩年，其中由政府委任4席、政府官員出任2席，上屆會長佔一席，餘下14席則每年輪替以選舉產生，即每年選出7個席位。

對比過去兩年，即2019年及2020年，該公會換屆選舉嘅投票率分別為27.45%及23.71%，今年投票率下滑至18%，而勝選嘅建制派候選人，除咗尋日獲選為副會長嘅梁思傑同歐振興，仲有羅卓堅、李舜兒、廖國泰、謝海發及翁碩邦。由於民主派候選人全數落敗，目前公會只餘5名民主派理事，再由建制派執掌公會主導權。