昔日東方政情：美邀通緝犯羅冠聰 出席民主峰會
涉嫌違反《港區國安法》被警方通緝、現流亡英國嘅前香港眾志常委羅冠聰，近日頻頻上水，好多搞作，繼續唱衰中港。喺日前接受訪問時呼籲港人無視立法會選舉後，佢前日再喺Facebook貼文，稱獲美國總統拜登邀請參與「民主峰會」，將向百多個國家或地區領袖發表演說，仲話到時會談及中國對國際社會嘅威脅，呼籲各國要對抗威權崛起喎。
貼文稱將發表講話
羅指美國將於本周四（9日）及周五（10日）舉辦「民主峰會」，其中會邀請公民社會代表向各國領袖發表演說，而佢日前獲邀參與峰會，將於10日美國東岸時間早上，喺「保障人權」以及「鞏固民主及對抗威權」兩個討論環節間，發表一段連接兩者嘅講話。羅指將會談及中國對國際社會嘅威脅，亦都會呼籲國際社會團結對抗威權崛起。
羅又話，「民主峰會」後，各國政府會就建議作出長達一年嘅工作計劃。佢指，讓香港故事活躍於國際舞台，係佢離開香港嘅任務，希望今次嘅峰會可以讓全球領袖直接了解香港人嘅聲音同訴求喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
