政情：跑步燒脂 陳運通難以堅持？

現年40歲嘅陳運通話自己嘅做人哲學，係幾大都要保持身心舒暢，就算失去議席嘅當下，佢都當係悠長假期，食玩瞓、打機飲酒湊細路，日子自然過得好快。之不過，Hea咗幾個月，日日食花生，漸漸贅肉橫生，變咗Show肉華，就快望唔到腳趾啦！於是要喺肥到認唔到樣之前，決定自我挑戰，勤做運動去燃燒身體脂肪。

佢嘅目標係由目前體重83公斤，減至70公斤。佢又公開尋日做運動嘅紀錄，就係36分鐘跑步5公里，消耗428卡路里，再加30分鐘踩單車，消耗189卡路里。之但係，呢一個鐘頭所消耗嘅熱量，一杯珍珠奶茶就補番晒嘞，難怪佢以打定輸數嘅口脗咁話，睇吓堅持到幾耐喎。