昔日東方政情：劉偉聰被DQ 宣布議辦停運
政府前日宣布，10名九龍區嘅區議員宣誓無效，全被DQ，當中包括涉及去年民主派「35+」初選案，但獲保釋嘅深水埗前區議員劉偉聰。尋日佢喺社交平台貼文，話自己嘅議員辦事處已經停止運作，事關已再冇身份同能耐處理區內事務。
可以早啲返屋企餵貓
劉上周五完成區議員宣誓，不過民政事務局仍決定褫奪佢嘅議席。佢前晚得知消息後就喺社交平台貼文，話今後每晚都可以早啲返屋企「開罐罐」餵愛貓，又宣布要開街站同街坊道別。佢尋日再貼文，話由於議席已失，因此未完成嘅個案，都會由辦事處同事聯絡居民交代。
佢喺其中一個貼文中，仲引用近排熱門歌曲嘅歌詞，「再見喇下次見啦，有下次嘅話」。或者劉「走嘅時候有少少內疚」，之不過佢身負初選案，又被裁定宣誓無效而被罰停賽5年，睇怕都冇人知下次再見會係幾時喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
