政情：大灣區律師執業試 何君堯容海恩過關

果然，Eunice獲得124分，啱啱好合格！而是次考試滿分係200分，合格線係120分。佢話考試分兩份卷，試卷一係100條選擇題，當中大部分係單選項，30多條係多選項，試卷二則係文字題，答題採用繁體或簡體字均可。Eunice話考試係今年1月報名，本應有半年時間準備，但自己就用咗一個月溫習，幸好最終都合格，對自己有個交代咁話。期間又多謝同樣參與考試嘅議員何君堯等人組成嘅溫習小組，10幾人一齊溫書，提升學習氣氛及興趣，話成績合格都全靠佢哋幫手！

議員何君堯亦同樣通過考試，但得幾多分佢就無透露，只係話做人唔好太過離地，做嘅嘢啱啱好，合格之上就得啦。佢又話雖然成績唔係好驕人，亦坦言自己好驚唔合格，但有賴溫習小組導師嘅積極指導，以及各同學嘅勉勵，互相切磋。而更加要多謝嘅係國家，畀佢僥倖通過考試，因為得到國家支持，至可以參與香港與內地嘅法律發展工作。