政情：茹國烈：港具孕育文化藝術土壤

茹國烈指香港過去有一段時間出現暴發戶心態，社會風氣係講求年輕人快速上位。然而投身藝術事業，初頭幾年嘅收入較不理想，唔少人覺得難頂就話轉行。不過後來一場金融風暴，情況有所改變，無論修讀藝術同入行嘅人都多咗，因為家長會認為，就算會計師都失業，股票亦都靠唔住，倒不如畀子女自行選擇事業路向仲好啦。茹國烈相信，年輕人能夠喺平衡生計嘅情況下從事自己喜歡嘅行業，久而久之都會有所成就。

茹國烈又認為，放眼世上幾個文化藝術相當蓬勃嘅城巿，如紐約、倫敦、巴黎，全部都係金融中心或者商業中心，而兼具金融同電影工業嘅香港，孕育文化藝術嘅土壤一定有咁話。