政情：趕住開會林紹輝臨門困?

葵青區區議會審核委員會尋日朝早10點鐘召開特別會議。另一邊廂，區議員林紹輝就喺社交網站發文，提到出面雖然係晴朗、藍天，但今日真係困難重重，話趕住開會，點知去到葵興政府合署「臨門一腳」先嚟困?，啲掣冇反應，成部?停咗，直問「咩料啊？」佢話民政事務處職員打嚟問佢喺邊，佢只可以好無奈咁答：困緊?啊。

林紹輝話當時有4個人一齊困?，包括佢太太、當區區議員劉貴梅，仲有趕住要去見社會福利署嘅街坊。佢話本身大家戴住口罩已經好焗、身水身汗，?內嘅空氣又嚴重不足，但幸好等咗16分鐘，就有消防員到場營救，最終大家都平安無事。