政情：甘文鋒上海讀博士 憂坐疫監好困擾

早前有多位政界人士，包括議員陸頌雄同郭偉强等，都表示自己報讀咗清華大學高級公共管理碩士（EMPA）香港政務人才項目，但甘文鋒就選擇到上海復旦攻讀博士課程，佢話今年1月就報名，至前幾日才有結果，知道自己獲得咗取錄都覺得好開心，並定下目標，要喺3至5年內完成博士課程。

佢又提到話，課程第一年預計每星期都要上一至兩堂面授課，所以會滬港兩邊走，至於太太會唔會有意見？佢就笑言留喺當地都係過一晚啫，但都要視乎疫情發展，如果屆時疫情仍未好轉，要返內地讀書，隔離便成大問題，到時可能用網上上課取代咁話。