政情：立會大樓擬劏房 方便寄居商廈議員辦公

點算？梗係要諗計喇！據悉，立法會行政管理委員會尋日都有討論過點樣方便呢班「寄居」商廈嘅議員，原來係喺立法會大樓多個地方，例如立法會前廳閣樓、2樓部分會議室同3樓「模擬立法會」活動室等，預料可以間到至少10間房間，呢啲「劏房」會有電腦等設備，等班議員可以喺嗰度做吓嘢或者開會。

唔單止「劏房」，據聞行管會仲傾過釋放多啲空間出嚟，例如將新聞發布室嘅固定座位，改做可以搬動嘅枱櫈，咁就可以靈活啲，議員可以用嚟開記者會或其他活動喇。