昔日東方政情：宣傳香港故宮開幕 議員官員互笠高帽
議員同官員經常喺議事廳開火、針鋒相對。然而，尋日喺監察西九文化區計劃推行情況聯合小組委員會會議就有意外驚喜，議員同官員竟然互笠高帽。
話說香港故宮文化博物館預計明年7月開幕，其中西九文化區管理局署理行政總裁馮程淑儀提出話可以喺藝術公園設立「單車busking（街頭表演）」，仲可以加入「可以彈琴嘅車」。
周浩鼎倡邀藝術表演者
議員周浩鼎就好捧場，問會不會可以邀請鍾意busking嘅藝術表演者，順便到博物館參觀。馮程就話街頭表演可以用作宣傳明年開幕嘅故宮文化博物館，或者可以考慮同傳統中國戲曲結合，以吸引新一代。她仲笑到四萬咁口，話如果年尾可以請到知名作曲家坂本龍一來香港就最好啦！
香港故宮文化博物館館長吳志華仲讚周浩鼎嘅建議「好鬼好」，認為可以畀埋年輕人參與文物復修，甚至推廣埋去幼稚園學生喔！
另外，吳志華亦預計香港故宮文化博物館兩至3年內，將依賴收藏家捐贈藏品，之後就會籌募資金，爭取贊助人協助建立館藏，而從北京借出的880件展品正等待內地部門審批，預計名單會於今年9月公開。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
