政情：潮屬總會選委落空 傳政府適當安排補鑊

中央提出完善本港選舉制度，其中選委會第三界別將新增60席嘅同鄉社團界別，不過人多勢眾嘅潮屬總會竟然冇份，有消息指香港潮屬社團總會（潮總）對安排不滿，話好難向為數高達130萬嘅香港潮州人交代，早前更向特首、民政事務局局長徐英偉同政務司司長張建宗等表達意見，希望政府好好考慮。最新就有傳當局為安撫潮總，將有「適當安排」。不過潮總嘅一眾會董就話唔知情喎。