昔日東方色日放送：堀美南 最小巧魅力新星
日本寫真界有好多女優嘅身材都出乎大家意料，因為當中唔少都又高挑又火辣，亦有一啲女優生得細細粒，但係上圍相當激凸，就好似堀美南咁，而佢亦因此被稱為「最小巧之巨乳魅力」喇！
鮮嫩飽滿
剛才提及到唔少寫真女優生得又細粒又大波，而當中最出名嘅一位，就係古銅辣妹葉月彩喇！呢位美人兒樣貌嬌俏可人，身高僅得5呎，外形的的骰骰，但係上圍就擁有一對飽滿彈手嘅巨型H奶，認真係廟細燈籠大呀！不過，葉月彩今年已經32歲，雖然狀態依然大勇，但係都唔可以旨意佢會喺寫真界發展得好耐，不過大家亦唔使擔心，因為已經搵到接班人，佢就係今日同大家見面嘅堀美南喇！
今年23歲嘅堀美南同葉月彩相比，樣子更天真可愛，仲帶幾分溫文兼怕怕醜醜嘅感覺，猶如成日足不出戶嘅鄰家女孩咁款。然而，南妹嘅身材同葉月彩一樣咁吸睛，身高都係得5呎，而心口同樣有對鮮嫩飽滿嘅H奶，所以堀美南亦被封為「最小巧魅力新星」！
重拾自信
堀美南喺高中畢業之後，冇繼續升讀大學，而係去到一間建築公司工作，雖然份工對佢嚟講一啲都唔辛苦，但係就覺得自己仲咁後生，好應該嘗試其他唔同行業，又因為南妹自細就發明星夢，經常參加童星招募面試，不過都係無功而還，到長大之後明星夢依然未磨滅，就喺堀美南想轉工嘅時候，見到現時效力嘅藝能事務所招募新人，於是就膽粗粗走去面試，果然成功畀佢得到份藝人合約。
之後開始拍寫真，佢覺得相當開心，因為佢曾經因為自己生得矮同大波而感到自卑，勢估唔到投身寫真界後，居然變成自己嘅賣點，令佢嘅自信心返晒嚟，仲決定要憑呢兩個特色喺寫真界發圍添！
Profile
年齡：23歲
身高：5呎
三圍：34H-24-35
社交網站
堀美南喺寫真界甫登場就成為好多傳媒追訪嘅對象，從其社交網當中就可以見到南妹分享好多有關嘅報道喇，當然亦唔少得欣賞埋佢嘅性感靚相啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
