男極圈

今夜一丁:海津雪乃 雪球啤酒妹

有啲人之所以鍾意落酒吧消遣,完全為咗溝女,而嗰啲推銷啤酒嘅妹妹仔,往往成為佢哋嘅目標。喺日本,呢類啤酒妹唔止喺酒吧蒲頭,仲會喺球場現身,假如有一日遇着海津雪乃為你遞上新鮮啤酒,唔知你會唔會未飲先醉呢?
肌膚嫩白
好多球迷都鍾意邊睇波邊飲啤酒,所以球場內有酒賣係好平常嘅事,而喺日本嘅球場,你會發現好多啤酒妹滿場飛,今日為大家介紹嘅寫真女優海津雪乃,就曾經做過呢種啤酒妹。今年24歲嘅雪乃,可謂人如其名,肌膚鮮嫩,好似雪咁白,仲有啲透明感添,相當誘人!身材方面,雪乃完全配得上「纖巧」、「苗條」等形容詞,雖然上圍只係C Cup,望落一啲都唔細,襯埋條纖纖蛇腰,就令胴體更具曲線美。除咗賣身材,阿妹個樣斯斯文文,畀到人柔情似水嘅感覺,笑容仲相當甜美。
翻版小天后
海津雪乃喺投身藝能界之前已經成日拋頭露面,事關佢做過啤酒妹,不時喺東京巨蛋為球迷推銷同遞上啤酒,因為生得靚,好快成為球迷之間嘅話題,仲吸引到電視台追訪添!自從雪乃嘅美貌喺公仔箱曝光之後,更加多人認識,於是有藝能事務所向佢招手。
家陣雪乃除咗拍寫真,亦開始演出電視劇,作品包括《純愛失調》。由於雪乃喺電視台嘅曝光率漸高,愈來愈多人覺得佢個樣同把聲有啲似藝能界小天后橋本環奈,希望將來佢哋兩個有機會組成姊妹檔一齊拍劇啦!
海津雪乃
年齡:24歲
身高:5呎2吋
三圍:33-23-34
社交網站
海津雪乃喺近期都算幾活躍,頻頻喺電視節目中亮相,一有時間又會拍吓寫真,想知道佢嘅最新動向,登入佢嘅社交網就一清二楚。
撰文:賢
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500