昔日東方有性趣：靈脾金櫻酒固精壯陽
老竇成日都話做男人好難，要有膊頭有腰骨，仲要手有力、腰有力、腳有力……細個嗰陣唔當係乜嘢一回事，心諗又唔係去做苦力，做乜要咁大力先！家陣做咗大人，先知老竇講得有道理！點先可以令腰力、腳力同埋床上戰鬥力唔會跌Watt？以下介紹嘅靈脾金櫻酒應該可以幫到你。
要咩材料？
靈脾金櫻酒可以自行浸製，兩大主要成分為仙靈脾120克同金櫻子500克，再配搭當歸、菟絲子、破故紙、巴戟天、小茴香、川芎、牛膝、肉桂、杜仲同沉香，前三者各需60克，沉香要15克，其他材料各需30克。
點樣做法？
將所有材料切碎，放入布袋，再塞入容器，跟住倒入10公升白酒，加蓋封好後，隔水加熱約1小時，之後浸泡約7日就可以適量飲用。
有乜功效？
仙靈脾即係淫羊藿，有補腎陽、祛風濕等功效，金櫻子可以固精縮尿，牛膝則能補肝腎、強筋骨，配合其他材料，令呢味補酒嘅壯陽效果更顯著，並適用於改善腰膝無力、下元虛冷、行走無力、陽痿遺精等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
