網紅熱搜：胸大有腦韓色吸金

現今網紅當道嘅年代，吸睛嘅方法好簡單，就係憑住迷人樣貌及火辣身材，加上性感嘅造型，就已經係成功嘅第一步，而Floretta正係符合晒以上三個條件喇！

佢嘅外形真係勁掂，樣貌甜美可人，擁有一對令男士睇到眼凸嘅巨乳，加上衣着性感露出胸前深溝，誘惑度一流！如果覺得咁仲未夠嘅話，加埋細碼比堅尼或火辣內衣又點睇？要知道佢唔單止樣靚身材正，配合埋纖腰及渾圓美股，更係曲線玲瓏，試問咁嘅外形又點能夠唔睇到男士流晒口水呢！而大家見到佢舉手投足都散發出優雅魅力，皆因佢本身係一位模特兒，同時亦係一位時裝設計師，唔怪得佢充滿時尚品味。

佢最初喺社交平台只係分享性感自拍照，後來經營埋自家服裝品牌，從上班服、休閒服到內衣及泳衣等，更做埋模特兒親身試着，等大家可以睇到穿着後嘅效果，不過講到最吸睛，當然係佢試穿泳衣同內衣啦，難怪銷量一直相當唔錯。

近年佢仲做埋吃播網紅，周圍試食人氣店，並且分享食評。要知道作為苗條索女，食量固然唔可以太多，更唔可以勁食高熱量食物，否則好易令身材走樣。而Floretta不但勁食煎炸食物，更係相當大食，一啲都唔擔心會變肥，佢就解釋話每日勤做運動嚟消耗卡路里，所以食極身材都係咁Fit，睇嚟佢可以考慮教埋健身喎！

識得利用人氣同迷人身段嚟創立自家服裝品牌嘅Floretta，有樣有身材又有生意頭腦，的確係叻女，難怪其社交平台擁有超過24萬位粉絲，大家想欣賞佢嘅火辣性感照就唔好錯過啦！

網址：https://www.instagram.com/floretta__/

撰文：魂