男極圈

世界Cup:新井萌花次世代F奶超新星

外國有句諺語:「老狗變不出新把戲」,小弟覺得呢個講法太過武斷,就以日本寫真女優為例,唔少「老將」不斷喺演出時作出新嘗試,令人驚喜;當然對於一眾貪新鮮嘅觀眾嚟講,青春美少女嘅可塑性始終稍勝一籌,正如今期「世界Cup」主角新井萌花,個樣嫩口之餘,身材仲處於發育階段,上圍分分鐘會再次變大添!
賣萌小花
近排日本寫真界有好幾朵「萌花」綻放,包括選美冠軍阿南萌花、千金小姐橋本萌花,而以下為大家介紹嘅新井萌花,唔止更後生,個樣仲好鬼甜,可以話係潛力無限。喺舊年年尾先踏足寫真界嘅新井萌花,家陣只係19歲,青春逼人,笑容可愛,係不折不扣嘅陽光美少女。身材方面,阿妹唔算矮細,肉地結實,凹凸有致,嗰對F奶脹卜卜又夠彈性,加埋腰幼臀圓、肌膚白嫩,睇落相當健美。據萌花表示,家陣上圍仍處於發育期,有機會由F奶變成H奶,甚至更大呢!
運動健將
萌花嘅潛質得到寫真界嘅認可,除咗被稱為「次世代之寫真超新星」同「青春活力之健康美BODY」,今年1月推出嘅首張寫真映像作品《純真笑容》更一度躋身唔同銷售平台嘅排行榜冠軍!講真萌花之所以咁得人鍾意,同佢嘅性格活潑有關,唔止表情豐富,拍寫真時仲好有活力。原來阿妹喺讀書嗰陣已經係運動健將,多次代表學校參與大型運動會,仲曾經喺全國高等學校駅傳大會埼玉縣錦標賽奪得季軍,難怪佢喺演出寫真作品時,動感十足,擺乜嘢甫士都難佢唔到!
社交網站
新井萌花近期出席好多攝影活動,經常以性感造型上陣,登入佢嘅社交網,就可以欣賞到佢嘅火辣身材。
顏值分析
今年19歲嘅新井萌花,頭髮長長眼大大,個樣甜美得嚟又勁好笑容,散發出強烈嘅陽光氣息,真係非常討好,難怪被稱為「次世代之寫真超新星」。
胸器解構
上圍:37吋F Cup
養眼度:★★★★
噴血度:★★★★
評語:好一對「八字波」,飽滿、堅挺又夠晒彈性,喺性感水着襯托下,非常吸睛。
新井萌花
年齡:19歲
身高:5呎2吋
三圍:37-24-34
撰文:賢
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500