今夜一丁：岸美由 巨乳妹玩分身

好多日本女仔都生得嬌小玲瓏，但喺寫真界嘅矚目程度一啲都唔比高妹遜色，好似今年21歲嘅岸美由，身高5呎都唔夠，但講到吸引力，佢比起好多身材高挑嘅女優高出一大截，點解？好簡單啫，五官標致，青春可人，加埋身材嬌小，睇落似個嫩口學生妹，難怪咁多男士對佢嗒晒糖。除咗有一副美人胚子，岸美由嘅肉地白滑又富彈性，體態仲好有睇頭，特別係嗰對脹卜卜又堅挺嘅車頭燈，喺嬌小身形嘅襯托下，顯得非常激凸，E奶都變巨乳！

岸美由拍寫真約兩年幾，出道前已經薄有名氣，但唔係因為拍過電影或電視劇，而係同佢嘅網上活動有關。原來阿妹有段日子成日透過社交平台發表各種有趣影片，慢慢吸納咗一班固定粉絲，繼而獲邀加入寫真界。家陣除咗拍寫真，阿妹亦係美少女組合#babababambi01嘅成員，為隊中嘅紅色代表人物，未來目標就係帶領組合進軍日本知名表演場館武道館開演唱會，希望佢會成功喇！

講番寫真工作，美由最近嘗試玩分身術，為雜誌拍咗輯一人分飾三角嘅靚相，以眼鏡OL、競泳水着少女同埋電競少女三個形象登場，大家不妨留意吓！

岸美由

年齡：21歲

身高：4呎9吋

三圍：33-22-33

雖然忙於跟隨所屬組合四圍演出，但岸由美仍好積極咁拍寫真，仲會透過社交網派福利呢！

網址：https://twitter.com/miyu_kishi0213