男極圈

今夜一丁:天羽希純 適乳天使再起飛

無論有幾好波,足球員好難避免受傷患困擾,但只要接受適當治療,加埋有決心操弗狀態,就有機會重返綠茵場上表現身價!同樣地,以「好波」見稱嘅日本寫真女優天羽希純,早前受病魔纏擾,但經過一輪休養,最近終於復出,重新展現出「適乳天使」嘅魅力!
人如其名
日本人做嘢一向嚴謹,就連評價女性胸部嘅大小都唔例外,除咗「貧乳」同「巨乳」兩大分類之外,仲有所謂「適乳」,意思係大小適中嘅胸部。或者你會問,適中嘅標準係點樣定?咁就不如睇吓實物喇!今日為大家介紹嘅天羽希純,就係最佳人辦,佢仲係好多人心目中嘅「適乳天使」呢!
今年25歲嘅希純,人如其名,氣質清純又可愛,笑起上嚟綻放出治愈力十足嘅超甜美感覺,令人沉醉!阿妹嘅身材亦相當吸引,一來肌膚白滑又鮮嫩,二來生得纖巧冇贅肉,最緊要係胸前嗰對質感天然嘅適乳,生得脹卜卜又夠堅挺,着起泳衣好有睇頭!
回復狀態
天羽希純喺2013年踏上舞台展開偶像生涯,先後加盟多個女團,包括盛產巨乳妹嘅仮面女子、Prism、READY TO KISS等等,去到2020年正式成為#2i2嘅成員,一直活躍至今。除咗喺舞台追夢之外,希純亦開始拍寫真,首隻寫真映像作品已先聲奪人,隻碟喺宣傳活動期間,火速售罄,成為繼久松郁實之後,第二位獲得如此大賣成績嘅寫真女優。不過,希純早前因為太忙,搞到身體不適,仲出現埋扁桃腺腫大嘅問題,被迫要休息一段日子。好彩嘅係,希純積極接受治療同調理,終於克服病患,最近更回歸寫真界,繼續為大家發放青春光芒,實在值得恭喜!
天羽希純
年 齡:25歲
身 高:5呎4吋
三 圍:33-23-33
社交網站
病愈復出嘅天羽希純,除咗回歸舞台之外,仲好積極發展寫真事業,登入佢嘅社交網,就會發現阿妹嘅身心狀態真係好弗,啲泳衣相同內衣相仲好誘人呢!
撰文:賢
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500