昔日東方有性趣：狀元補身酒 益腎填精
喺中國傳統名酒中，有一款叫狀元紅，相傳古時嘅人會喺誕下男嬰後，將一罈花雕酒埋喺地底，直到呢個男仔長大成人、上京赴考兼且中埋狀元，就會拎出嚟慶祝。不過，中狀元邊有咁容易，所以多數會畀佢喺大婚之日享用。至於飲咗狀元紅會唔會令新郎哥雄風大振，不得而知，但男士們想增強床上表現，可以試吓狀元補身酒。
要咩材料？
狀元補身酒可以自行浸製，事前要預備多種材料，其中包括乾地黃、枸杞子、肉蓯蓉各80克，茱萸、山藥、菟絲子、女貞子、川續斷各40克，狗脊10克，白芍20克，30度嘅白酒5公升，同埋蔗糖約500克。
點樣浸製？
首先將上述藥材杵碎，放入容器，繼而倒入白酒同蔗糖，密封浸泡7天，之後可以過濾去渣。飲用分量為每日約10至20毫升。
有乜功效？
狀元補身酒含有多種補身材料，例如肉蓯蓉可補腎益精，枸杞子可滋補肝腎，乾地黃可滋陰清熱，配合埋其他材料，可發揮養陰助陽、益腎填精等功效，適用於改善腎精不足、遺精、陽痿、早洩、婦女白帶等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
