有性趣：蓯蓉杜仲茶夠補腎

材料包括肉蓯蓉5克、杜仲3克、菟絲子3克、五味子3克、續斷3克、紅茶5克，而做法亦相當簡單，就係將所有材料放入煲內，加入大約半公升水煲滾後就可以飲用，具有補腎益精功效，亦有助改善五勞七傷、陽痿不起、陰囊痕癢、小便淋瀝、溺時赤時黃，可謂男人恩物。

當中嘅肉蓯蓉有強陰益精氣嘅作用，至於杜仲則有助補益肝腎、強筋壯骨，而菟絲子可滋補肝腎、固精縮尿，五味子就可以益氣生津、寧心安神，續斷具有強筋骨、續筋接骨及活血祛瘀嘅功效，所以飲完呢杯蓯蓉杜仲茶後，床上表現會變得龍精虎猛、精力十足。