有性趣：剖析男女情慾

作者同人談情說性逾25年，多年輔導經驗話佢知，「愛」與「性」係相當個人嘅體驗，同時亦係生命嘅展現，只有坦率面對性關係，不論係未婚關係、已婚關係，或出軌關係，都會尋找到屬於自己嘅親密關係。佢透過書中嘅6個篇章，為大家剖析喺佢從業多年所遇到過最令人煩惱、最令人迷惑、最令苦惱嘅個案，然後帶出最貼近大家嘅話題。

好似第一章嘅「游走身心之間」，便提出最令女士煩惱嘅問題，胸大人瘦就係靚？情侶之間嘅關係，係咪講錢容易講心難？第二章嘅「婚內情色」，更係唔少已婚或計劃結婚男女必睇嘅內容，包括老公講性老婆談情時嘅矛盾、無性婚姻點算好？老公寧願上網而唔願上床應該點做？至於其他章節，包括「不忠誘罪」、「異類性行為」及「創傷的身與心」等，內容更係相當貼地，係一本資訊性及參考性相當高嘅著作。