男極圈

大開色戒:2021年 3大熱搜情色關鍵詞

當大家慾火冒升時,第一個諗到嘅英文字係乜呢?Pornhub早前公布2021年最多人熱搜嘅3大情色關鍵詞,不妨睇吓你所諗嘅係咪同結果一樣!另外,英國有醫學平台發表全球35個國家性伴侶人數排名,結果最多係邊個國家呢?
出人意表
全球最大規模嘅成人網站Pornhub,每年年初都會公布過去一年網站搜尋數據,而當中嘅數據可謂全球好色男女嘅指標,至於喺過去嘅一年,邊三個英文字成為熱搜詞呢?
結果第3位係「Group Sex」(群體性愛),專家分析喺抗疫期間集體活動減少,於是網民只好睇片解悶;第2位係「Romance」(浪漫),專家指抗疫期間,男女更渴望浪漫感,令內心冇咁冰冷;第1位就係「Hentai」(變態),佢係由日文翻譯嘅英文字,雖然解作變態,但其實係指日本嘅色情作品,原因係去年日本動漫大熱,於是令更多人對日本嘅十八禁作品更有興趣。
另外,最多人熱搜嘅頭三位脫星係邊個呢?第3位係Eva Elfie,第2位係Abella Danger,而第1位就係索女脫星Lana Rhoades,恭喜晒!
最想入非非ASMR
深田詠美唔單止係人氣AV女優,更係人氣爆燈嘅網紅,單係睇佢社交網嘅追隨人數超過210萬就知,皆因佢動作多多,除咗搵清水健合作拍片外,更經常搵AV女優合作,早前佢就搵嚟超人氣嘅高橋聖子拍運動片,大家咪心邪,片中嘅詠美同聖子真係一齊做運動。
不過呢段正經嘅運動片,卻被網民稱為拍出AV味!原因係當高橋聖子做深蹲動作時,鏡頭就會特寫胸部同臀部,加上聖子有意無意咁發出呻吟聲,因而被網民稱為最令男士想入非非嘅ASMR。咪以為只係網民心邪,皆因影片推出後冇耐,就被YouTube評做違反色情內容政策而被刪除,究竟係拍得太有AV味,定係呻吟聲太挑逗就不得而知喇!
最多性伴侶國家
大家有冇計過自己有幾多個性伴侶?相對全球嘅數字嚟講,你嘅性伴侶又算唔算多呢?早前英國男性心理健康平台Manual對全球35個國家嘅男士進行有關性伴侶人數嘅調查,最近便公布調查結果,居榜首係邊個國家?答案係土耳其!當地男士平均性伴侶人數為14.5人,其次係澳洲嘅13.3人,跟住係新西蘭嘅13.2人,而英國則排名第16位,平均性伴侶人數為9.8人。至於喺35個國家中,排最後嘅三個國家分別係斯洛伐克嘅5.4人、中國嘅3.1人及印度嘅3人。不過Manual嘅醫學主任Earim Chaudry博士表示,雖然某啲國家嘅男士擁有唔少性伴侶,但最重要嘅係顧及安全性行為,仲要明白性伴侶數量跟性生活滿意度並無任何關係。不過話時話,性伴侶人數嘅多少,係咪值得自豪嘅事呢?
撰文:魂
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500