有性趣：馴服男人房中術

作為專業嘅婦科醫生，作者對男女嘅生理及心理有深入研究，根據佢多年嘅經驗，發現滿足度高嘅性生活，不僅對男性重要，對女士嚟講亦相當重要，故此所謂馴夫術，目的唔單止係為咗馴服男人嘅下半身，其實亦對女士有相當大嘅益處。所以書中一開始，便為女士解釋男人點樣看待性愛，並透過多個研究報告，令女士能更了解男士嘅心理。

講完心理梗係要講生理啦！事實上，女性雖然都知道男士喺性愛中嘅生理反應，但當中嘅原理卻係一知半解，部分更係網上傳聞嚟添。隨住女性對男士嘅生理及心理了解加深，作者開始為讀者講述更深入嘅部分，從草食男湧現嘅原因、性能力嘅「用進廢退論」、男人點解咁鍾意女性用舌頭服侍等等，內容有趣既實用，係本實用度相當高嘅著作。