有性趣：按摩復溜穴補腎益陰

復溜穴屬於足少陰腎經之穴位，別名昌陽、伏白、外命，位於小腿內側，太溪直上2吋，跟腱嘅前方。

據中醫學理論，作為經絡嘅母穴，復溜穴屬金，腎經屬水，刺激呢個穴位能收金生水嘅效果，令腎水暢旺起嚟，亦可達到金剋木嘅效果，將五行屬木嘅過盛肝火抑制，所以當腎氣充足、腎水充足時，又能夠防止肝火令腎水被消耗。換句話說，當腎水不足、肝火旺盛時，適當地按摩一下復溜穴，可改善腰膝痠疼、眩暈耳鳴、失眠多夢嘅多種問題。

想利用復溜穴補一補腎，可以用手指喺穴位輕輕揉搓3至5分鐘，亦可以按壓約100次。順帶一提，復溜穴附近有個三陰交穴，不妨以同樣方法按摩一下，可令補腎效果更上一層樓。