有性趣：螞蟻治療陽痿遺精

螞蟻別名玄駒、昆蜉，味酸、鹹，性平，歸肝、腎經，具有補腎益精、通經活絡、解毒消腫作用之外，更可以治療陽痿遺精及風濕痹痛，絕對係男人嘅恩物。唔少中醫藥典籍亦有記載螞蟻嘅功效，如《藥性考》謂「食之長力」、《中國動物誌》稱螞蟻具有清熱解毒、治療毒腫痛及蛇咬傷等作用。而早在周朝歷史中，就有製作螞蟻醬嘅記載。

除咗將螞蟻製成中藥之外，亦可以浸成藥酒補身。其中就有呢味補陽酒，其材料包括螞蟻50克、蜈蚣20克、仙靈脾、牛膝、蜻蜓各10克，將材料放入器皿再加入2公升白酒，浸泡約30日就大功告成，適用於四肢不溫、神疲乏力、腰膝痠軟、下肢痿弱、遺精、陽痿、女性性冷淡、類風濕性關節炎等人士飲用。