有性趣：拍手操強身健腎

先將十指張開，兩掌拍擊嘅時候，手掌對手掌、手指對手指咁用力互相拍打，以發出最清脆響亮嘅聲音為佳。拍掌嘅時候最好集中意念，想像有股真氣喺體內流動，而邪穢之氣會透過拍擊而散發出體外，如是者反覆拍手10分鐘。

拍手操係一種至剛至陽嘅鍛煉方法，主要功能係補氣，因手部係人體陽氣嘅大本營，拍手可以震動陽氣，推動全身陽氣運行。另外，手掌互拍嘅時候可以刺激手掌嘅經絡穴位，達到疏通經絡、振盪脈氣、加強血液迴圈，令肺經、心經、大腸經、小腸經、心包經與三焦經之氣源源不絕，可達到補養心臟、肺臟嘅效果，有助提高人體免疫功能，甚至可以將身體入面嘅陰寒和汙穢之氣排出，所以有人指，經常做拍手操，感冒發燒、頭痛、鼻塞、流鼻水、咽痛、咳嗽等都會少啲！