大開色戒：邪念膨脹激動一瞬間

以豐胸升Cup按摩操為主題嘅網絡影片，目標觀眾應該係女士，不過其實呢啲影片對男士們吸引力更大，好似最近有一段YouTube影片名為「80秒升Cup按摩」，就成為日本男網民嘅熱話喇！

話說呢段影片由「佐久間心央的美BODY研究部」製作，聲稱只要跟住呢套按摩胸部動作，每日做80秒嘅話，就能從B Cup升呢到H Cup，相當神奇！而從片中見到佢左左右右咁搓波仔，視覺效果一流。不過話說回來，演繹呢套動作嘅佐久間心央，本身都係說服力十足，事關佢單唔止係YouTuber，仲拍過廣告，又做過聲優及演出過舞台劇，不過講到底，佢心口一對33H巨乳先至係重點呀！

雖然有研究指，男人平均每52秒就會出現一次性幻想，但係有男士就反駁話之所以有性幻想，好多時係遇上突如其來嘅情況。早前有日本網站進行調查，並綜合出3種引爆男士性幻想嘅意外情況：（1）若隱若現濕身誘惑。27歲喺電器廠工作嘅男網民指，當睇到因汗水或雨水淋濕身嘅女士時，身材若隱若現令佢覺得好興奮；（2）不經意露出內衣。28歲IT男表示，當身穿寛鬆衣服嘅女士，喺彎腰時不經意露出內衣，會令佢忍唔住興奮起嚟；（3）展露平日睇唔到嘅身體部分。30歲醫護人員話，每次見到女性嘅腋窩、大腿、背部等平時見唔到嘅地方，會令佢想入非非。唔知大家認唔認同佢哋嘅講法？又或者遇過一啲令你引爆邪念嘅情況呢？

男人總想被女伴讚兵器大，只係點解呢位男網民聽到女友講同一句話時，卻會喺網上發文話好困惑呢？

事緣呢位匿名男網民早前喺社交平台Reditt發文，話女友經常埋怨佢嘅兵器太大，佢坦言兵器硬直時只有4吋半長，而24歲嘅女友自稱曾有22個男友，故此冇可能未見過比自己大嘅兵器，因此令佢感到好困惑，究竟女友真係未見過大兵器，定係女友呃緊佢？而呢篇貼文一出，即時被轉發到Twitter，並獲得超過8千次轉發以及8.8萬個讚，其中有網民回應指女友所謂嘅22個男友，可能係子虛烏有，亦有網民反問兵器大同細真係好重要咩？唔知大家又點睇呢？

撰文：魂