昔日東方有性趣：霸氣十足「神仙至妙訣」
男士想喺床上長戰長有嘅諗法自古就有，因此出現唔少能夠令雄風不減，又報稱能令腎陽不虛嘅偏方。不過講到偏方個名夠霸氣，好似武俠小說中嘅絕頂神功咁，就有呢道「神仙至妙訣」。
扶陽固精
佢嘅材料分別有豬苓五錢、茴香及穿山甲各三錢、木香一両五錢、木通三両、酸棗仁、乾姜、乾山藥、熟地黃及柏子仁各五錢、甘草五分、金櫻子、胡蘆巴、遠志及半夏各一両，材料真係幾多。
做法係先將茴香炒至乾身，穿山甲用酒浸泡然後烘乾，之後將所有材料混合並碾成粉末。使用方法係每次取出一錢五分嘅粉末，空肚用溫水服用，而據明代洪基所著嘅《攝生總要》稱，呢道偏方具有扶陽固精嘅功效。
受保護動物
材料中所講嘅穿山甲，其實係指穿山甲嘅鱗片。不過穿山甲已被列為瀕危物種，受條例及國際公約保護，而事實上亦冇科學根據證實佢嘅鱗片有藥用價值。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
