今夜一丁：上福由紀 摔角女戰神

日本寫真界有好多女仔睇得又打得，好似上圍激凸嘅清水藍里係空手道高手，以及近期少咗曝光嘅白川未奈係女子摔角手，而今日為大家介紹嘅上福由紀亦好鍾意玩摔角。今年28歲嘅由紀，艷麗迷人，畀到人一種冷酷嘅感覺。呢位冰美人確實唔係個個男人都可以高攀，因為佢嘅身高達5呎8吋，而且身材唔係高瘦平嗰隻，上圍幾有分量，雖然明顯同官方報稱嘅F奶有啲距離，但望落去都相當誘人。

由紀因為贏得2013年「東洋大學小姐」亞軍兼DHC獎而躋身藝能界，但星運一直平平，為咗博翻身，佢作出一個驚人舉動，就係以摔角手身份登上擂台！講真阿妹都幾打得，特別係起飛腳呢招，唔係人人擋得住，但其實佢仲有一招殺着，就係出口術！原來由紀曾經出國留學，所以每次上擂台，佢都好鍾意用一口流利英語問候敵人，令對方口啞啞，上年佢仲成功奪得國際公主錦標賽冠軍腰帶呢！雖然佢最近輸咗畀一位挑戰者，但睇番佢嘅狀態仲係好弗，有心復仇嘅話，應該唔難成功。

上福由紀

年齡：28歲

身高：5呎8吋

三圍：33-24-34

社交網

呢排活躍於摔角擂台嘅由紀，除咗會透過社交網分享吓近況，仲會不時騷性感照，向網友派福利，真係好識撈呀！

網址：https://twitter.com/zacyuki?lang=ja