做掌上壓增強雄風

以前聽過一個故事，阿仔問爸爸：個「男」字點解？爸爸就答：男字可以分為「田」同「力」，「田」字代表男人要耕田養起頭家，「力」字就代表男人下面一定要有力，先可以叫做男人！其實，男人上身都要有力先得，所以如果想增強雄風，做掌上壓就係一個好選擇。

肌肉更有力量

標準嘅掌上壓動作，雙手手掌貼地就撐起全身，背部同雙腿伸直，手臂屈曲將身體下降，再伸直手臂升高身體。掌上壓鍛煉嘅肌肉群包括胸大肌同肱三頭肌，還鍛煉到三角肌前束、前鋸肌、喙肱肌，以及腹肌同背肌。每日多練習掌上壓，除咗可以加強心肺功能，仲可以促進血液循環，對於維持男人嘅勃起功能運作正常有幫助。另外，肌肉更有力量，進行男上女下體位嘅時候，一邊用雙手撐住張床，下半身一邊劇烈抽送，自然冇咁容易感到雙手疲勞繼而影響下半身嘅動作，令雄風更發揮順暢！