絲絲講場：巴菲特為家鄉破例 公開討論地方政治

據報，巴菲特經已致函當地媒體，指本周會同奧馬哈市長Jean Stothert會面，游說當局放棄造價高達3.06億美元（約23.8億港元）嘅路面電車計劃，並敦促當局讓居民表決。

可能大家會覺得奇怪，一個多年來名列全球10大富豪之列嘅富豪，身家多到10世都用唔晒，點解會為咗一個區區3億美元嘅公共基建計劃而破例指點地方政治？其實，令巴菲特最唔滿意嘅，係呢個項目喺佢眼中係「非常昂貴」，效益不符，認為實際上只要巴士系統擴大服務範圍或加開班次，就能解決居民所需，故忍唔住要開聲反對。

其實，若然大家了解，巴菲特逾60年來未換過大屋，早餐係食快餐、旅行點心係一包普通餅乾、座駕係二手車，就知道如今其舉動，係出於一向「慳家」嘅性格。當然，咁着緊家鄉嘅事務，亦反映呢位92歲嘅老人家飲水思源，愛鄉情切，抵佢發達嘅！