絲絲講場：全球新舊首富再度爆發口水戰

SpaceX創始人馬斯克以440億美元收購社交媒體平台Twitter，並揚言入主後要大刀闊斧進行改革，營造政治中立與言論自由平台。早前被爆沽空特斯拉（Tesla）嘅微軟創始人蓋茨（Bill Gates）周三公開表示，唔肯定喺馬斯克領導下Twitter未來會係甚麼樣子，可能會令Twitter變得更差咁話！

蓋茨：馬斯克領導Twitter未必掂

蓋茨認為，雖然馬斯克帶領特斯拉和SpaceX嘅成功，確實好振奮人心，但唔代表經營Twitter都會成功，因為係兩回事嚟。佢又話，如果你需要嘅係錢同聘請出色嘅工程師，咁馬斯克係非常合適嘅人選。

不過，蓋茨亦都補番一句，話目前應該保持開放心態，並且永遠不要太過低估馬斯克。

講番兩位做過首富嘅男人，佢哋打口水戰嘅導火線，係上個月馬斯克指控蓋茨沽空特斯拉「真不該」，仲貼出蓋茨身材照同一個男性懷孕表情符號合成圖作諷刺。不過，蓋茨輕描淡寫地表示，事件冇影響佢對馬斯克喺其他方面嘅睇法，亦讚許對方為改善氣候變遷作出嘅努力。

余絲韻