產經

絲絲講場:李寧申商標 想賣埋咖啡?

李寧疑似踩過界賣埋咖啡。 李寧疑似踩過界賣埋咖啡。
李寧疑似踩過界賣埋咖啡。
隨住內地日復日咁富裕起來,人民對生活嘅追求都唔同咗,就好似咖啡店呢啲西方流行文化,喺內地開始得寵。唔少文藝青年同上班族都流行去咖啡店歎杯咖啡、打個卡,但你有冇諗過飲住咖啡去試波鞋?
一線城市消費量「超英趕美」
內地體育用品品牌李寧(02331)疑似有意踩過界賣咖啡。資料顯示,李寧體育(上海)有限公司最新申請註冊「寧咖啡 NING COFFEE」商標。據資料顯示,「寧咖啡 NING COFFEE」的國際分類為餐飲住宿,目前商標申請狀態為「等待實質審查」。倘若成真的話,都真係「寧的突破」。
睇番舊年有研究報告就指出,內地一、二線城市嘅人均咖啡消費量已經「超英趕美」,一線城市已經養成飲用咖啡習慣嘅消費者,每年平均會飲326杯咖啡(美國平均為329杯)。如果計埋發展緊嘅新一線同二線城市,潛力簡直係無可限量。仲未計14億人口,一成人每日飲一杯都唔得了!
另一邊廂,李寧任主席兼行政總裁嘅GEM公司非凡中國(08032)發盈警,預料今年首季虧損約1,300萬元,去年同期則賺890萬元,盈轉虧主要由於舊年首季公司出售一間附屬公司,造成非經常性收益。
余絲韻
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500