奇雲史柏西欠債冇錢被迫賣屋

奧斯卡金像影帝奇雲史柏西（Kevin Spacey）自2017年因連串性侵男性指控而被全部封殺，令事業玩完。雖然去年7月他其中一項性侵指控被判無罪，但接近1年仍然工作有限。最近他亮相英國名嘴皮爾斯摩根（Piers Morgan）的訪談節目《Piers Morgan Uncensored》時就盡吐苦水。

現年64歲的奇雲自爆目前因冇錢供樓被迫拍賣房子：「我必須要返回巴爾的摩居住，並將所有嘢放喺倉庫，我唔係好肯定自己目前會住喺邊……我唔能夠支付我欠下嘅費用。」被主持問到目前的身家，奇雲即回答「冇錢」，並自爆欠下「很多個百萬」的訴訟費。此外，奇雲於訪問亦「含淚」表示願意就過往的行為而負責：「我絕對150%準備好為我所做嘅嘢、我犯嘅錯誤、我有時做過唔好嘅行為而負上責任。」