蔡潔有心事胡定欣做樹窿

藝人蔡潔在下周播出的劇集《廉政狙擊》中，飾演胡定欣的得力助手，原來早年她在澳洲選美後曾採訪對方，認真有緣。劇中2人有不少對手戲，她表示獲益良多：「我喺VIP位置睇定欣表演，我覺得佢真係好游刃有餘。同埋有排有心事，我好Open咁同佢分享，佢畀咗好多意見我，我都好驚喜。」她又感激定欣去年台慶幫忙揀戰衣：「我着咗條黑色裙好多人讚，其實嗰條裙佢有份揀，好開心認識到呢位朋友，希望以後多啲合作。」

定欣的女強人角色亦正亦邪，她坦言相當有難度，加上角色過去很沉重，她以觀眾身份去睇亦感受到很多傷痛。