昔日東方蔣家旻戴祖儀 撻蝦膠嘈爆廚房
藝人譚俊彥、戴祖儀、蔣家旻及江嘉敏擔任無綫飲食節目《做節必食18道菜》的嘉賓，品嘗廣東的新春菜式。期間戴祖儀與蔣家旻瘋狂互窒大放笑彈，當2人入廚幫手撻蝦膠時，雖然手勢同樣麻麻，但仍不忘鬥嘴，祖儀發動攻勢先說：「睇嚟我哋係同一類人。」家旻聞言即反擊：「我覺得我撻得好過你少少。」祖儀唔執輸補多句：「五十步笑百步！」
而試食「脆皮鹽香雞」時，家旻抵不住誘惑自爆：「平時我唔食雞皮，呢次要連埋雞皮同瑤柱一齊食。」祖儀再度發「攻」：「平時唔食雞皮？你實在太過分！我究竟聽咗啲咩？」家旻品嘗美食之餘，不忘扮惡睥住對方，場面搞笑。
另外，無綫上周收視昨日出爐，整體成績不俗，《東張西望》跨平台最高收視達25.1點，高踞上周收視榜首。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
