娛樂

有信心票房過半億 張敬軒約定魏浚笙 格劍慶功

張敬軒與王菀之對《超》片票房有信心,已諗定慶功計劃。 張敬軒與王菀之對《超》片票房有信心,已諗定慶功計劃。
張敬軒與王菀之對《超》片票房有信心,已諗定慶功計劃。
張敬軒、王菀之(Ivana)主演英皇賀歲電影《超神經械劫案下》昨晚舉行首映禮,首次擔大旗的軒仔指首映禮似自己結婚,前一晚緊張到失眠!提到片中背部全裸,問到若票房報捷會否「露正面」?軒仔笑言為免犯法,會考慮跟魏浚笙等「格劍」慶祝,引得Ivana哈哈大笑!
英皇賀歲片《超神經械劫案下》昨晚在銅鑼灣舉行戶外首映禮,吸引不少市民圍觀,場面熱鬧。軒仔指已看了多次試片,如今終可看到正式版,心情緊張又期待:「係我人生第一部電影嘅首映禮,有結婚擺酒嘅感覺,我尋晚都冇瞓,真係緊張到BB生出來,好期待。」問他預計有多少票房?他笑說:「我黐住8千萬票房女星(Ivana),有一半已經好開心。(如果票房好,有乜回饋戲迷?)我已經諗好咗,如果2千萬,我會同Jeffrey(魏浚笙)操肌3個月之後騷畀大家睇,我哋向來真材實料。(你喺戲中背部全裸,咁會唔會騷正面?)睇吓票房先,觀眾咁支持,5、6千萬啦,不過露前面唔合法,5千萬,我、白只、魏浚笙、洪嘉豪可以玩劍擊,係一個體育運動,睇吓劍係咩質地啦,6千萬搵棍互毆!」身旁的Ivana聞言笑個不停,問她是否會着泳裝回報影迷?她自言冇難度,但不知觀眾是否想睇,並建議:「戲中我同張敬軒好多動作戲,如果7千萬,我哋賣飛玩一場live嘅打。」軒仔即自誇自小學詠春:「我個二字鉗羊功,由細開始練,有時急尿都會咁做。」Ivana即窒對方:「我真係睇唔出你識打詠春。」
洪嘉豪開工首日拍裸戲
而Jeffrey與洪嘉豪齊齊受訪,提到軒仔踢爆他是片中唯一有正面祼露鏡頭的演員,洪嘉豪不諱言:「係,其實嗰場戲第一日開工就拍,簽咗約都冇辦法,要頂硬上,我只係露下半身,但都着咗幾條打底褲,同埋會打格嘅,只係意識上大膽啫!」對於軒仔指票房報捷,男演員就要再除褲、格劍及騷肌謝票,Jeffrey與洪嘉豪異口同聲說:「畀陷阱我哋踩?喺戲裏面我哋都係跟住張敬軒,佢要點就點啦,睇佢頭!」
魏浚笙與洪嘉豪笑言除衫與否,都會睇軒仔頭。魏浚笙與洪嘉豪笑言除衫與否,都會睇軒仔頭。
魏浚笙與洪嘉豪笑言除衫與否,都會睇軒仔頭。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500