李佳芯食滯冇覺好瞓 陳庭欣搵銀要緊 放任男友日本尋歡

李佳芯（Ali）、陳庭欣及吳偉豪等昨日出席劇集《有種好男人》宣傳活動，即場跟教練做運動玩遊戲。玩遊戲時看似輕盈的Ali，自爆體重有110磅，又笑言聖誕期間食滯：「平時食得好清淡，聖誕食多咗肉同糯米飯，搞到瞓得唔好。」問到元旦有何節目？她說：「最多都係約朋友喺屋企倒數。（有咩新年願望？）唔好再食滯，身體健康同希望下年快啲見到大家！」

陳庭欣則透露聖誕正是男友生日，送了冷帽給對方作禮物，又透露男友即將飛日本北海道滑雪，她因有工作在身未能同行：「近來多番啲慈善騷同周年晚宴，1月接咗2、3個司儀工作，未有疫情嗰陣通常一星期2、3單，希望疫情快啲過啦！」問她與男友何時好事近？她笑言每年也會被問相同問題：「年初問結婚，年底問分手，哈哈！結婚嘅事其實到嗰陣自然會出現。」她坦言即使結婚也未必會鋪張：「搞個婚禮好攰㗎！（之前喺社交網放閃，力證情未變？）係大時大節先Po相，做個記錄，等將來可以睇番。」

至於吳偉豪希望新一年能拍多點劇集，以及與參加《中年好聲音》的父親一起夾歌。