佘詩曼有3得 未婚仍幸福

單身貴族佘詩曼近日亮相內地節目《麗人麗語》，對於有粉絲表示45歲尚未結婚，該如何面對壓力？阿佘表示生活快樂、健康才最重要：「當然你話可以搵到靈魂伴侶或者另一半同你生活，可能係件開心事，但未搵到時，你都可以做自己有興趣嘅事，無論係事業、朋友定親情上得到嘅快樂其實都好，唔需要特別Focus喺婚姻上。」她續說：「我冇呢個憂慮，我可以好衷心話畀大家聽，我依家好幸福，我擁有健康、好好嘅家人、好多好朋友同鍾意嘅工作，食得、瞓得、玩得，做人最緊要滿足，滿足就會幸福，至於額外嘅嘢，係咪人有我就要有呢？咁自己衡量啦！」