倪嘉雯讚唐詩詠喊功勁

無綫小花倪嘉雯在重頭劇《白色強人II》飾演急症室護士，與視后唐詩詠不乏對手戲。自言平時難喊的她在詩詠身上獲益良多，對她演喊戲有所啟發：「劇中詩詠係急症室醫生，所以最多合作，印象最深係有場喊戲佢真係做得好好，自己睇住佢喊，個心都唔係好舒服咁。自己試過拍喊戲，都要時間醞釀，但係佢一埋位已經Ready，入晒情緒，好快就雙眼水汪汪，真係好犀利！佢喊咗一次其實已經做得好好，但係都即刻同導演要求再拍一次，真係好專業，同埋對自己要求好高，我真係學到好多嘢！」