孖蔚雨芯榮升老闆娘樂宜水着拉客腥風血雨

「性感女神」樂宜踏出創業第一步，跟「魔鬼胸」蔚雨芯學做美容生意，更親身上陣性感演繹代言人！她自爆水着上陣拍廣告照當日卻撞正「大姨媽」到，令她一步一驚心。

擁有34C「胸」器的「DJ女神」樂宜首次創業，與女星蔚雨芯（Rainky）合作搞醫學美容生意，樂宜親自為公司拍攝性感代言照，在影樓內穿上超低胸黑白一件頭泳衣，型格十足，另一日則換上比堅尼到沙灘大晒健康美。她自爆拍攝廣告照當日，撞正月事來潮：「成件事時間係好緊迫，嗰日係Period第一日，仲要着泳衣影相，係好驚好辛苦，好彩出嚟效果都好滿意。」

一直心郁郁想嘗試創業的樂宜，一次跟Rainky交流，因為同樣愛美容扮靚，故一拍即合商討搞醫美，她透露由籌備、影廣告相到公司開張，只用了個多月準備：「感受住由零開始一點一點建立起嚟，過程係好緊張，但又好興奮。」

「火星女孩」表裏不一

問到有「魔鬼胸」之稱的Rainky，何不親身上陣做代言？她笑言自己是品牌創辦人，已經拍攝了一輯性感照：「我好多嘢要兼顧同處理，覺得要搵啲後生嘅去影。」更透露稍後有意再物色兩個男仔做代言。她坦言論身材比例，樂宜的身形勝過自己：「對自己梗係有啲唔滿意，每個人嘅Figure都唔同，佢骨架細啲，我骨架大啲，我係好欣賞佢個Body。」她以「火星女孩」來形容拍檔：「佢好文靜，好少講嘢，我成日諗呢個女仔喺火星嚟？佢好斯文乖巧，同佢平日喺社交網嘅形象、啲火辣相完全相反。」又笑言對方是話題終結者：「其實佢好可愛，可能我比較欣賞怪人，重點係善良嘅人。」