Tim煲熟C AllStar作品

樂隊Dear Jane昨日出席活動，談到他們將於8月與組合C AllStar開騷，日前已開會，DJ主音Tim讚on仔（陳健安）好多主意：「原來佢哋聽晒我哋嘅歌，On仔好鍾意我哋啲Rock歌。」他立即用一星期聽晒C AllStar的歌，指有好多都耳熟能詳。目前演唱會歌單已敲定，會挑選搖滾歌曲較多，預計7月底開始綵排。Tim的細仔剛滿一歲，因有扁頭綜合症問題，要配戴「矯正頭盔」：「再戴多一個月就除得。」他承認偏心大女，指女兒好黐他，一回家便攬着他隻腳，令他冧到暈，他更不忘向3位隊友催婚。