否認獲打本千萬 何廣沛跟麥美恩學嘢

藝人何廣沛昨日出席劇集宣傳，對於有傳他有份主持的綜藝節目《真係唔好笑》製作費高達1,300萬，但高層曾志偉看過首集後覺得「唔好笑」令節目播出無期，何廣沛表示沒有見過曾志偉，故不知道對方對節目的評價，而節目播出日期向來由公司決定。他又表示所謂「過千萬製作費」根本不可能，續說：「我知道仲有傳今次係公司打本畀我拍，包埋製作，但其實我只係做幕前主持。（話你拍攝時耍大牌兼唔認真，令拍檔麥美恩不滿？）我入咗TVB十年，個個拍檔都知我工作認真，而且我同馮盈盈、麥美恩都係主要主持，3個一齊合作，唔存在有人做嘢，另一個人好Hea嘅情況。大家相處融洽，拍完都有慶功。」他又表示慶幸能跟主持經驗豐富的麥美恩合作，令他在節目中更放鬆。