講嘢𦧲晒脷 疑染疫後遺 戴祖儀跟影帝取經 霸氣兜巴星

藝員周嘉洛、戴祖儀、林正峰與陳嘉慧在第五波疫情先後「中招」，早前已痊愈並復工，昨日於數碼港為無綫劇集《回歸》、《曙光》拍攝外景，劇組拍攝時相當謹慎，開工前要做快速檢測，演員停機亦迅速戴上口罩，以保障大家安全。劇情拍攝祖儀霸氣掌摑孫漢霖的戲份，她笑謂參考了出爐奧斯卡影帝韋史密夫於頒獎禮的一幕，但稱並不鼓勵暴力，嘉洛則笑言也有交戲「助攻」。

嘉洛屬首批中招的藝員，復工已半個月，問他可有後遺症？他笑說：「一路都好生猛，暫時好彩冇，有啲人話會有腦霧，我就覺得自己聰明咗。」祖儀笑說：「就係咁先擔心，前排好多人見到佢都問候佢，你腦霧呀！（你有冇腦霧後遺症？）本身以為冇，頭先講台詞講得太多次，搞到𦧲埋一舊，即刻懷疑有後遺症，好彩我哋成班年紀算細，都好快好番。」

林正峰與游嘉欣多次在劇中飾演情侶，一直傳2人暗撻，早前甩拖的他更被揭與嘉欣同遊大澳，他受訪時強調與嘉欣只是同事和好朋友關係，即使回復單身也不會發展成情侶：「大家都冇feel，我哋只能夠係螢幕情侶，真實就難啲。」談到與女友Yuki 3年情盡，他指因了解而分開，對方提出分手，亦有挽留過，但並不成功。