陳自瑤慶功收花食落肚

藝人陳自瑤（YoYo）早前於《萬千星輝頒獎典禮2021》憑劇集《寶寶大過天》奪最佳女配角獎項，之後即「重奪」做女主角機會，將於新劇擔正。近日她與親友打邊爐慶功兼有「花」收，而且並非普通鮮花咁簡單，是以食材製成的「邊爐花」，相當有心思，她表示：「好黐線呀！打邊爐啲嘢食都可以咁靚、咁好味、咁有心思嘅！好開心喺屋企都可以食到啲咁正嘅打邊爐！屋企人同朋友都食到讚不絕口！真係一啲都冇誇張！」