昔日東方11歲接觸性虐鹹片「學嘢」 Billie自爆睇壞腦 發噩夢被鬼壓
今年19歲的美國小天后Billie Eilish受訪時自爆由11歲開始睇暴力與性虐主題的鹹片，令她發噩夢及「被鬼壓」，影響日後性生活，更自言腦部因此受損！
年紀輕輕已獲7個格林美獎、又主唱《007：生死有時》（No Time To Die）主題曲的Billie，前日接受電台名嘴Howard Stern訪問，自爆人細鬼大，11歲時已接觸色情電影，結果留下陰影！
她表示：「作為女人，我認為鹹片係一種恥辱。好老實，我以前睇好多鹹片，11歲就開始睇。我諗佢真係令我腦部受損，我為自己睇咗咁多鹹片而大受打擊。」她還非常重口味，專攻暴力與性虐主題的類別，導致發噩夢，甚至聲稱有睡眠癱瘓症：「去到某個位，除非佢係暴力，否則我已經唔會睇。但其實我又唔覺得呢樣（指性虐片）係吸引。當時我係處女，乜都未做過，後來就產生問題喇，我最初幾次發生性行為時，冇向一啲唔好嘅嘢講唔好，以為嗰啲就係我應該去享受嘅。好嬲點解咁多人鍾意睇鹹片，又好嬲自己點解覺得咁樣係可以接受。」
曾向母親「求助」
後來Billie不勝困惑，向母親剖白問題，令母親大受驚嚇。Billie又自言當時不知道那些是錯誤的性知識，批評鹹片令人帶來不現實的期望：「鹹片入面女人嘅陰部好黐線，冇人真係會咁，女人個身體唔係咁，我哋唔會咁樣高潮嘅！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
