昔日東方許靖韻開工失聲 靠皇上打救
英皇歌手許靖韻（Angela）近年長時間留在內地工作，日前終於返港陪家人，她說：「其實唔係放假，只係接咗個音樂節目，第一集要喺香港拍，之後都要返內地繼續開工。」她又謂拍攝當日相當驚險，幸得張敬軒打救：「我嗰排感冒，但冇睇醫生，只食收鼻水藥，點知原來嗰啲藥副作用係封喉，正式拍攝嗰日就失聲，嗰時好驚，好在張敬軒幫我搵醫生睇，真係要同佢講句：『多謝皇上！』」
問到如何慶祝聖誕節？Angela就話要做孝順女：「媽咪喺26號生日，以往有幾年因為要工作陪唔到佢，今年終於可以同佢慶祝。」
雖然難捨家人，她仍然期待可以如容祖兒及Twins在內地發展：「我會視大師兄、大師姐為目標，佢哋喺內地真係好高曝光率，希望可以掹車邊畀機會我上佢哋嘅節目。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
