昔日東方高人一等成焦點 施匡翹大胸怕醜變寒背
身材高挑的歌手施匡翹（Zaina）擁46吋長腿，惟她對身形並不滿意，曾被批評寒背的她尷尬地說：「係呀！因為我怕醜，好驚自己上身好似好大，唔想太突出，細個讀中學時唔想人哋見到，加上同學仔冇我咁高，好自然咁寒背。」其一副好身材遺傳自媽媽，她傻笑說：「呢個都係我哋嘅困擾，我同媽咪都唔鍾意，反而喜歡model身材，着咩衫都好有型！大胸畀人感覺冇咁瘦，仲要揀衫嚟着，着啲緊身衫唔係咁好睇。」
跳舞好難密實
本月20日Zaina將在九展連開日夜2場音樂會，公司為她找來女星代蓮曦丹美做形象，會凸顯其修長美腿，她笑說：「唔同主題會有未見過嘅造型，最緊要靚，底線唔好太性感，好似跳舞部分好難着到好密實，喺安全情況下可以少少性感。」出道2年多、推出過5首單曲的Zaina，最初都擔心自己應付不來，但既然公司給她機會，她會好好把握。
音樂會上，她預告大唱別人的歌，特別選唱英國靚聲天后Adele的《Rolling in the Deep》：「呢首係我第一次參加學校歌唱比賽嘅歌，當時為咗唱好首歌，跟同學日日去跑步練氣。」她又喜歡MIRROR成員柳應廷的《砂之器》，歌曲講述與母親的關係：「我睇個MV都睇到喊，可以喺音樂會度cover男仔嘅歌都幾有新鮮感，成個騷我預備咗20幾首歌，仲有part medley，希望歌迷鍾意。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
