被質疑扮唔妥製造話題 王浩信婚姻似謎 講多無謂

藝人王浩信、朱晨麗、姚子羚、蔣家旻及應屆港姐冠軍宋宛穎、亞軍梁凱晴、季軍邵初及最上鏡小姐楊培琳昨日以盛裝出席沙田馬場活動，場面熱鬧。王浩信跟太太陳自瑤的關係撲朔迷離，日前2人分別在社交網上載自己與女兒到主題樂園的相片，疑似一家三口合體，昨日提起此事時，他即時落閘：「屋企嘢唔講。（係咪一家三口去？）家事唔講。」至於有網友質疑他們扮婚變製造話題，他坦言：「唔回應，講咗好多年。」

不過講到賽馬，浩信就侃侃而談，他表示已有頗長時間未踏足馬場，以前間中也有跟朋友入來小賭怡情：「今日都諗住買少少，我係7月7號生日，會買7號。今日應邀嚟活動唱歌有酬勞，都好應該回饋吓，但點都要留番車馬費。」

同場4位港姐打扮得花枝招展，她們稱昨日是初次入馬場，梁凱晴說：「叻哥（陳百祥）畀咗貼士我哋，佢真係好準，頭兩場都中咗，不過我哋要做嘢，所以冇買。」邵初自言冇中獎命，故只會花一百元下注當湊熱鬧。

而朱晨麗透露父母愛看賽馬，故不時會陪入馬場，問到會否有興趣做馬主？她謂：「我代言就可以，冇資格買。」工作方面，她近期忙拍一部槍戰片：「我破天荒唔使揸槍，但要中槍，人生第一次，要扮痛，幾考演技。」